வதிவிட விருந்தினர் திட்ட வீசா நிகழ்ச்சித்திட்டமானது நாட்டின் பொருளாதார மற்றும் சமூக, கலாசார அபிவிருத்திக்கு பங்களிப்புச் செய்கின்ற வெளிநாட்டு முதலீட்டாளர்களுக்கும் தொழில்வாண்மையாளர்களுக்கும் வழங்கப்பட்டுள்ள ஊக்குவிப்புப் பொதியின் ஒரு பகுதியாகும்

அமுலாக்கும் முகவராண்மை என்றால் என்ன?
வதிவிட விருந்தினர் வீசா நிகழ்ச்சித்திட்டத்தின் அமுலாக்கல் முகவராண்மை என்பது அரசாங்க நிறுவனங்களின் சிரேஷ்ட அலுவலர்களைக் கொண்ட ஓர் அமைப்பாகும். அமுலாக்கும் முகவராண்மையின் அலுவலகம் இலங்கை, இலக்கம் 41, ஆனந்த ராஜகருணா மாவத்த, கொழும்பு 10 இல் உள்ள குடிவரவு - குடியகல்வுத் திணைக்களத்தில் அமைந்துள்ளது.

இந்நிகழ்ச்சித்திட்டத்தின் கீழ் இலங்கை வீசாவுக்காக எவ்வாறு விண்ணப்பிப்பது?
வதியும் விருந்தினர் திட்டத்தின் கதவுகள் வெளிநாட்டவர் அனைவருக்காகவும் திறந்து வைக்கப்பட்டுள்ளன. இந்த நாட்டின் பொருளாதாரத்திற்கும் சமூக, கலாசார அபிவிருத்திக்கும் பங்களிப்புச் செய்யக்கூடிய எந்தவொரு முதலீட்டாளரும் / தொழில்வாண்மையாளரும் இதற்காக விண்ணப்பிக்கலாம்.

வதியும் வீசா விண்ணப்பப் பத்திரங்களை எங்கிருந்து பெற்றுக் கொள்ளலாம்?

• அமுலாக்கும் முகவராண்மை அலுவலகத்திடமிருந்து (இலங்கை குடிவரவு - குடியகல்வு தலைமையகம்)
• வெளிநாட்டிலுள்ள இலங்கைத் தூதரகங்களிருந்து
• www.immigration.gov.lk இல் இருந்து பதிவிறக்கம் செய்யலாம்.

வதியும் வீசா விண்ணப்பப் பத்திரத்துடன் சமர்ப்பிக்க வேண்டிய ஆவணங்கள் யாவை? 2. வதியும் விருந்தினர் ரூபா நாணயக் கணக்கு

• இலங்கையில் வசிப்பதற்காக அனுப்பிவைக்கப்படும் பணம், முதலீடுகள் மூலமாக பெறப்படுகின்ற வருமானம், பங்குகள் விற்கப்படுவதன் மூலமாக பெறப்படும் பணம் போன்றவை இக்கணக்கில் வரவுவைக்கப்பட அனுமதி வழங்கப்படும்.
• இக்கணக்கிலிருந்து பணத்தை வெளியில் அனுப்புதல் செலாவணிக் கட்டுப்பாட்டாளரது அங்கீகாரத்திற்குக் கட்டுப்பட்டதாகும்

வதியும் விருந்தினர் தனது முதலீட்டுக் கருத்திட்டத்தை / தொழில்வாண்மை சேவையினை முடிவுறுத்தும் போது கீழே குறிப்பிட்டவாறு செயலாற்ற வேண்டும்.

• தனது முதலீட்டுக் கருத்திட்டத்தை / தொழில்வாண்மை சேவையை முடிவுறுத்தக் கருதியுள்ளமை பற்றி இரண்டு (2) மாதங்களுக்கு முன்னராக எழுத்தில் அமுலாக்கும் முகவராண்மைக்கு அறிவித்தல் வேண்டும்.
• தனது முதலீட்டுக் கருத்திட்டத்தை / தொழில்வாண்மை சேவையை முடிவுறுத்தி தான் நாட்டைவிட்டு வெளியேற குறைந்த பட்சம் பதினான்கு (14) வேலை நாட்களுக்கு முன்னராகவேனும் எழுத்தில் அறிவிக்க வேண்டும்.

பிரசாவுரிமையை வழங்குதல்
இலங்கைப் பிரசாவுரிமையைப் பெறக் கருதுகின்ற வதியும் விருந்தினரொருவர் மூன்று வருட கால வதிவினை பூர்த்தி செய்த பின்னர் அதன் பொருட்டு தனது விண்ணப்பப் பத்திரத்தை அமுலாக்கும் முகவராண்மையிடம் சமர்ப்பிக்க வேண்டும். குடியமர்ந்திருந்த காலப் பகுதியில் இந்நாட்டின் பொருளாதார அபிவிருத்திக்கும் சமூக, கலாசார மேம்பாட்டுக்கும் விண்ணப்பதாரியிடமிருந்து கிடைத்துள்ள பங்களிப்பின் அடிப்படையிலேயே பிரசாவுரிமை வழங்குதல் தொடர்பில் கவனஞ் செலுத்தப்படும். இதற்கான விண்ணப்பப் பத்திரத்தை அமுலாக்கும் முகவராண்மையிடமிருந்து (SLI&E) பெற்றுக்கொள்க. அல்லது www.immigration.gov.lk. இல் இருந்து பதிவிறக்கம் செய்துகொள்க.

விண்ணப்பப் பத்திரத்தை செயல்முறைக்குட்படுத்துவதற்கான கட்டணத்தை குடிவரவு - குடியகல்வுக் கட்டுப்பாட்டாளரின் பெயருக்கு வரையப்பட்ட காசோலை / வங்கிக் கட்டளை மூலமாக செலுத்தலாம்.

வதியும் விருந்தினர் வீசா பெறுவதற்கான தகைமைகள் யாவை?
வதியும் விருந்தினர் வீசா திட்டம் வெளிநாட்டவர் அனைவருக்குமே திறந்து வைக்கப்பட்டுள்ளது. இந்நாட்டின் பொருளாதார மற்றும் சமூக, கலாசார அபிவிருத்தியில் பங்களிப்புச் செய்யக்கூடிய எந்தவொரு வெளிநாட்டு முதலீட்டாளரும் / தொழில்வாண்மையாளரும் இத்திட்டத்தின் கீழ் வீசா கோரலாம்.

நான் வதியும் விருந்தினர் திட்டத்திற்கான வீசா விண்ணப்பப் பத்திரத்தை எங்கிருந்து பெற்றுக்கொள்ளலாம்?

1. கொழும்பு, குடிவரவு - குடியகல்வுத் திணைக்களத் தலைமையகத்திடமிருந்து
2. வெளிநாடுகளிலுள்ள இலங்கைத் தூதரங்களிடமிருந்து
3. விண்ணப்பப் பத்திர மாதிரியின் அச்சுப் பிரதியை இங்கே பதிவிறக்கம் செய்து கொள்க.

வதியும் விருந்தினர் திட்ட வீசா விண்ணப்பப் பத்திரத்தை எவ்வாறு சமர்ப்பிப்பது?
உங்கள் விண்ணப்பப் பத்திரத்தை நான்கு பிரதிகளைக் கொண்டதாக தயாரித்து அருகில் உள்ள இலங்கைத் தூதரகத்திடம் ஒப்படைக்கவும்.

நான் வசிக்கும் இடத்திற்கு அருகில் இலங்கைத் தூதரகமொன்று கிடையாது. அப்படியானால் நான் என்ன செய்வது?
உங்களுக்காக இலங்கையில் உள்ள (நண்பர், உறவினர் அல்லது பயண முகவர்) எவரையேனும் கொண்டு அதனைச் செய்விக்கவும்.

எனது வதியும் விருந்தினர் திட்ட வீசா அனுமதிப் பத்திரத்தின் உச்சமட்ட செல்லுபடியாகும் காலம் யாது?
உங்கள் வதியும் விருந்தினர் திட்ட வீசா ஐந்து வருடங்களுக்கு செல்லுபடியாகும்.

வதியும் விருந்தினர் திட்ட வீசாவினை எவ்வாறு புதுப்பித்துக் கொள்ளலாம்?
வதியும் விருந்தினர் திட்ட வீசா நீடிப்புக்கான விண்ணப்பப் பத்திரங்கள் அனைத்தையும் குடிவரவு - குடியகல்வுத் திணைக்களத் தலைமையகத்திடம் ஒப்படைக்க வேண்டும். ஐந்து வருடங்களைப் பூர்த்தி செய்த பின்னர் வீசா அனுமதிப்பத்திரத்தை நீடிக்கும் பொருட்டு விண்ணப்பித்தவிடத்து கருத்திட்டங்களில் முதலீடு செய்தல் / வங்கிக் கூற்றுகள் போன்ற ஆவணங்களை அவ்விடயங்களை நிரூபிக்கும் பொருட்டு சமர்ப்பிக்குமாறு கேட்டுக் கொள்ளப்படுவீர்கள்.

வரி செலுத்துப்பட்டுள்ளமைக்கான உண்ணாட்டரசிறைத் திணைக்களத்திமிருந்து பெறப்பட்ட ஆவணச் சான்றுகளையும் வரிவிலக்கு அளிக்கப்பட்ட கருத்திட்டங்கள் தொடர்பாக முதலீட்டுச் சபையிடமிருந்து வழங்கப்பட்ட விதப்புரைகளையும் புதுப்பித்தலுக்கான விண்ணப்பப் பத்திரத்துடன் சமர்ப்பிக்க வேண்டும்.

வதியும் விருந்தினர் வீசா புதுப்பித்தலுக்கான விண்ணப்பப் பத்திரத்தை எங்கிருந்து பெறலாம்?

1. கொழும்பு, குடிவரவு - குடியகல்வுத் திணைக்கள தலைமையகத்திடமிருந்து
2. கண்டி, மாத்தறை, அநுராதபுரம் பிராந்திய அலுவலகங்களிலிருந்து
3. விண்ணப்பப் பத்திர மாதிரியின் அச்சுப் பிரதியை இங்கே பதிவிறக்கம் செய்து கொள்ளவும்.

எனது வதியும் விருந்தினர் வீசா திட்டத்துடன் தொடர்புடைய ஏனைய நிபந்தனைகள் யாவை?
உங்கள் பயண ஆவணங்களில் குறிப்பிட்டுள்ள காலாவதியாகும் திகதிக்கு குறைந்த பட்சம் இரண்டு மாதங்களுக்கு முன்னராகவேனும் இலங்கையில் நீங்கள் தங்கியிருக்கக் கருதும் காலம் முடிவடைதல் வேண்டும்.