පැමිණිමේ වීසා

සංචාරක පැමිණිමේ වීසා

සෑම සංචාරකයෙක්ම ශ්‍රී ලංකාවට පැමිණීමට පෙර ඉලෙක්ට්‍රොනික වීසා බලපත්‍රය (e-Visa) අයදුම් කළ යුතුය.
වැඩි විස්තර සඳහා කරුණාකර  https://www.srilankaevisa.lk වෙත පිවිසෙන්න.

මගේ සංචාරක වීසා බලපත්‍රය අළුත් කර ගත හැක්කේ කෙසේද?

1.  සංචාරක වීසා දීර්ඝ කිරීම් වර්ග හතරක් ඇත. :
   1. ඉලෙක්ට්‍රොනික සංචරණ අනුමැතිය (2024/04/17 ට පෙර ඉලෙක්ට්‍රොනික සංචරණ අනුමැතිය මගින් ලබා ගත් වීසා බලපත්‍රය) (ගෙවීම් පදනම මත)
       
   2. දින 30 සංචාරක වීසා (ගෙවීම් පදනම මත)
       
   3. ජාතීන් හතක් සඳහා ගාස්තු රහිත, දින 30 සංචාරක වීසා (ගෙවීම් පදනම මත)
      (චීනය, ඉන්දියාව, රුසියාව, ජපානය, තායිලන්තය, මැලේසියාව සහ ඉන්දුනීසියාව)
       
   4. මාස 06 සංචාරක වීසා (ගෙවීම් නැත)
       
2. ඉහත සඳහන් සංචාරක වීසා කාණ්ඩ පහත පරිදි දීර්ඝ කර ගත හැක:
   1. ඉලෙක්ට්‍රොනික සංචරණ අනුමැතිය මගින් ලබා ගත් වීසා බලපත්‍රය https://eservices.immigration.gov.lk/vs/login.php  හරහා මාර්ගගතව හෝ බත්තරමුල්ලේ ආගමන හා විගමන දෙපාර්තමේන්තුවේ ප්‍රධාන කාර්යාලයට පිවිසීමෙන් දීර්ඝ කර ගත හැක.
       
   2. දින 30 සංචාරක වීසා බලපත්‍රය තවත් දින 30කින් පමණක් දීර්ඝ කර ගත හැකි අතර, මෙම දීර්ඝ කර ගැනීම https://eservices.immigration.gov.lk/vs/login.php  හරහා මාර්ගගතව හෝ බත්තරමුල්ලේ ආගමන හා විගමන දෙපාර්තමේන්තුවේ ප්‍රධාන කාර්යාලයට පිවිසීමෙන් ලබා ගත හැක.
       
   3. (චීනය, ඉන්දියාව, රුසියාව, ජපානය, තායිලන්තය, මැලේසියාව සහ ඉන්දුනීසියාව) ජාතීන් හත සඳහා ගාස්තු රහිත, දින 30 සංචාරක වීසා බලපත්‍රය තවත් දින 30ක් සඳහා පමණක් දීර්ඝ කර ගත හැකි, මෙම දීර්ඝ කර ගැනීම https://eservices.immigration.gov.lk/vs/login.php  හරහා මාර්ගගතව හෝ බත්තරමුල්ලේ ආගමන හා විගමන දෙපාර්තමේන්තුවේ ප්‍රධාන කාර්යාලයට පිවිසීමෙන් ලබා ගත හැක.
       
   4. ද්විත්ව ප්‍රවේශවීමේ පහසුකම කැප කරමින් මාස 06ක සංචාරක වීසා බලපත්‍රය තවත් දින 60කින් දීර්ඝ කර ගත හැක. මෙම දීර්ඝ කර ගැනීම https://eservices.immigration.gov.lk/OnlineVisa/pages/visaextension/visaextension.xhtml හරහා මාර්ගගතව පමණක් ලබා ගත හැක.

පැමිණිමේ වීසා දීර්ඝ කර ගැනීම සඳහා මට අවශ්‍ය වන ලිපිලේඛන මොනවාද?

සංචාරක වීසා

1. ආපසු යෑමේ ගුවන් ටිකට් පත.
2. නවාතැන් ගනු ලබන ස්ථානයේ ලිපිනය සහ දුරකථන අංකය.
3. අයදුම්කරුගේ ඡායාරූපය සමඟ අයදුම්පත.
4. වලංගු විදේශ ගමන් බලපත්‍රය.

* අයදුම් කිරීමටත්, වීසා බලපත්‍රය ලබා ගැනීමටත් අයදුම්කරු පැමිණ සිටීම අනිවාර්ය වේ. (ආගමන හා විගමන දෙපාර්තමේන්තුවේ ප්‍රධාන කාර්යාලය වෙත අයදුම්පත් ඉදිරිපත් කරන්නන් පමණක්).

මට සංචාරක වීසා අළුත් කිරීමේ ඉල්ලුම් පත්‍රය ලබා ගත හැක්කේ කොතැනින්ද?

1. කොළඹ ආගමන හා විගමන දෙපාර්තමේන්තුවේ ප්‍රධාන කාර්යාලය.
2. ඉල්ලුම්පත්‍රවල මුද්‍රණය කර ගත හැකි පිටපත් මෙතැනින් බාගත කර ගන්න.

මගේ සංචාරක වීසා බලපත්‍රය අළුත් කිරීම සඳහා අදාළ වන අනෙකුත් කොන්දේසි මොනවාද?

ඔබේ ගමන්ලේඛනයේ කල් ඉකුත් වන දිනට අවම වශයෙන් මාස දෙකකට පෙරවත් ඔබ ශ්‍රී ලංකාවේ රැඳී සිටීමට බලාපොරොත්තු වන කාලය අවසන් විය යුතුය.